Қазақстанда 20 жаңа су қоймасы салынады

Бұл туралы Үкімет отырысында Су ресурстары және ирригация министрі Нұржан Нұржігітов мәлімдеді.

«Еліміздің су қауіпсіздігін қамтамасыз ету үшін 20 жаңа су қоймасын салу және қолданыстағы 15 су қоймасын қайта жаңғырту, сондай-ақ 14 мың шақырымнан астам суару арналары мен гидротехникалық құрылыстарды жаңғырту жоспарлануда. Тасымалдау кезіндегі өнімсіз су ысыраптарын 50-ден 25%-ға дейін азайту және қолда бар су ресурстарын 2,4 текше шақырымға арттыру көзделіп отыр.
Бүгінгі таңда hydro.gov.kz цифрлық платформасын құру бойынша жұмыстар аяқталуда, онда су объектілерін, гидротехникалық құрылыстарды, су бассейндері мен аумақтарын, гидропосттарды және т.б. бейнелейтін бірыңғай су кадастры қалыптастырылады», - деді министр.

Фото: ult.kz